Gripea gaixotasun biriko oso infekziosoa da, eta gure hemisferioan eta gure herrialdean agertu ohi da urteko hilabete hotzenetan (abendutik otsailera bitartean).
TXERTOAREN BABESA
Txertoaren bidez, norberaren gaixotasunetik babesten gara, eta, batez ere, izan ditzakeen konplikazioetatik. Izan ere, 2019-2020 denboraldian txertaketak ospitaleratzeen % 26, ZIUko ospitaleratzeen % 40 eta gripearen ondoriozko heriotzen % 37 saihestu zituen 65 urteko eta adineko pertsonen artean.
ZER GERTATZEN DA TXERTOA JARRI ONDOREN?
Gripearen aurkako txertoak ezin du gripea eragin, txertoaren birusak ez dute infekzio-gaitasunik inaktibatuta bait daude.
Gripearen aurkako txertoa hartu ondoren, baliteke injekzioa hartu dugun lekuan mina izatea, eta normalean 48 orduan pasatzen da. Batzuetan sukarra eta ondoeza ager daitezke, eta egun batean edo bitan pasatzen dira.
TXERTOA HARTU BEHAR DUT?
Gripearen aurkako txertoa hartzea gomendatzen zaie, batez ere, 64 urtetik gorako pertsonei, haurdunei eta osasun-langileei, gripea izanez gero konplikazioak izateko arrisku handia duten edozein adinetako pertsonei eta beraiekin kontaktuan dauden pertsonei (zaintzaileei bereziki), transmititu egin baitezakete.
Gripearen aurkako txertoa hartzeko gutxieneko adina 6 hilabete dira.
Hona hemen txertaketa-gomendio ofizialak:
HAUR OSASUNTSUEI TXERTOA JARRI BEHAR ZAIE?
Haurrak eta nerabeak gripearen eragin handiena duen populazio-taldea dira, eta beren kontaktuei transmititzen diete, batez ere adinekoei, nahiz eta sintomatologia arina eta konplikazio gutxi izan.
Osasun Agintaritzek, beren osasun-egoeragatik gripea hartuz gero konplikazioren bat izan dezaketen haurrei txertoa jartzea gomendatzen dute, hau da, gaixotasun kronikoren bat dutenei (arrisku-taldeak). Arrisku-taldeak kontsultatu (3. orrialdeko taula), hurrengo bideoan ere zehazten direnak.
Haur osasuntsuak babesteko, haurdunei txertoa jartzea gomendatzen da, haurdunaldiaren edozein hiruhilekotan. Erdiberriei, erditu eta 6 hilabetera arte, eta (ofizialki ez bada ere) haur horien gurasoenak, haiekin bizi badira, guztiei txertoa hartzea gomendatzen zaie.
Hala ere, Espainiako Pediatria Elkarteko (CAV-AEP) Txertoen Aholku Batzordeak, haur osasuntsuek 6 hilabetetik gora, norbera, familia eta ingurunea babesteko gripearen aurkako txertoa izatea komenigarria dela uste du.
Hala ere, 2020/2021 denboraldian, eta Ministerioak eta autonomia-erkidegoek laborategiei txertoaren dosien eskaerak areagotu dizkietenez, gomendio ofizialak alde batera utzita, leku gehienetan txertoa jartzeko farmazia-bulegoetan gripearen aurkako txertoak eskuratzea zaila da.
ZER EGIN BEHAR DUT?
Erizainarekin, pediatrarekin edo familia-medikuarekin kontsultatu, honako gomendio hauek kontuan hartuta:
- Osasun Ministerioa. Bizitza osoko txertaketa-egutegi komuna.
- Nafarroako Gobernua. Gripearen aurkako 2020-2021 txertaketa-kanpaina.
- Espainiako Pediatria Elkartea. Txertoen Aholku Batzordea. Gripearen aurkako 2020-21 txertaketa-gomendioak.
Inmaculada Cuesta Esteve
Erizainen eta Txertoen Elkarte Nazionaleko idazkaria (ANENVAC)
José Antonio Forcada Segarra
Erizainen eta Txertoen Elkarte Nazionaleko presidentea (ANENVAC)
